العام روّح وأقبلت عطلة الصيـف

[/center]العام روّح وأقبلت عطلة الصيـف
............. وكـل الخلايـق للسفـر مستعـدّه !!


آحدن على روما والاخر على جنيف
............. وآحدن ظرووفـه يالنشامـا تحـدّه !!



وآحدن طعامه طابخينه من الشيف
............. وآحدن فطيرة جبـن دايـم تسـدّه


وآحدن ينام ابدون غرفه وتكييـف
............. وآحدن يجر الثـوب ماهـوب قـدّه



وآحدن نجح وأمه تهل الغطاريـف
............. وآحدن رسب وموسّم الكـف خـدّه


قامت تصافق في ضلوعي تحاسيف
............. ماعاد لي في داخل الـروح شـدّه


قلبي شفوق ونـاوي ٍ للمشاريـف
............. شفاقة الاشقر .. بـلحظـة مهـدّه


ياصاحبي ياللي تفـوق التواصيـف
............. حبل الوصل .. في داخلك لا تشـدّه


صاحبك صادق مايحب السواليـف
............. وماهوب ساكت لاحصل منك صـدّه


حبيبتي يا ام الرمـوش المراهيـف
............. مثلك على عرش الحـلا مستبـدّه


ياجعل دارك بالمـزون المراديـف
............. وياجعلي اشوفك ليـا جيـت جـدّه


اليا متى فيك المشاعـر ملاهيـف
............. واليا متى باقي مـن البعـد مُـده


واليا متى ودموع عيني مذاريـف
............. واليا متى دمعي .. يبـل المخـدّه


ايقول من بابك تجينـي عواصيـف
............. والناس قالت مثل هالبـاب سـدّه


قلت الاوادم كـل ابوهـم ملاقيـف
............. والعلم .. كانك تستحي منـه بـدّه


يالعبنوا فنجـال مايـروي الكيـف
............. راعيه غالي تستحـي مـا تـردّه


امحق زمن والله وامحق مواليـف
............. بنيت لك مقدار ، وطيشـك يهـدّه


لكن لحظة كـان مابـه تكاليـف :
........... ( اللـي خذيتـه داخـل العـوج ردّه )

لا تعليـــــق؟ وانتمى ان تمتعنى بشعركـ يا موسى؟